កម្មវិធីបំបួសអប់រំសីលធម៌ ចរិយាធម៌ ដល់កុលបុត្រកុលធីតាខ្មែរ

          ដោយឃើញនូវសេចក្ដីសំខាន់ត្រង់នេះ និងដើម្បីចូលរួមផលិតបង្កើននូវធនធាន​មនុស្ស​ឲ្យមានចំណេះ​ដឹង​ដើរគូរនិងសីលធម៌ និងដើម្បីឲ្យយុវជនខ្មែរក្លាយជាបុគ្គលមានគុណភាពក្នុងថ្ងៃនេះ និងជាមនុស្សមាន​គុណធម៌ទៅថ្ងៃមុខ រួមកំលាំងទ្រទ្រង់ប្រទេសជាតិឲ្យរឹងមាំស្ថិតស្ថេរគង់វង្ស ស្ដារអភិវឌ្ឍសង្គមជាតិឲ្យចំរើន​ថ្កុំថ្កើងរុងរឿង ទើបបានបង្កើត​គម្រោង បព្វជា អប់រំសីលធម៌ ចរិយាធម៌ ដល់កុលបុត្រកុលធីតាខ្មែរ នេះឡើង ដើម្បី​ឲ្យយុវជន យុវតី​ជំនាន់ក្រោយនេះ បានយល់ច្បាស់ពីតំលៃនៃវប្បធម៌ជាតិខ្លួន គឺទ្រឹស្ដីព្រះពុទ្ធសាសនាដែល​ជាមកតកវប្បធម៌ អរិយធម៌ ដ៏ថ្លៃថ្លារបស់ជាតិខ្មែរ ដែលដូនតាខ្មែរយើងបានខិតខំថែរក្សាទុកដល់កូនខ្មែរជំនាន់​ក្រោយបានសិក្សា និងយកទៅបដិបត្តិឲ្យកើតជាប្រយោជន៍សុខដល់ខ្លួនឯង ក្រុមគ្រួសារ និងប្រយោជន៍សង្គម​ជាតិទាំងមូល និងដើម្បីឲ្យសមតាមចេតនារម្មណ៍របស់ក្រុមសមណនិស្សិត ខំពុះពារស្ថាបនា បង្កើតនូវ សមាគមខេមរនិស្សិត នេះឡើងដើម្បីបំរើគោលមាគ៌ាព្រះពុទ្ធសាសនា និងបំរើ​ផលប្រយោជន៍​ដល់សង្គម​ជាតិ​ខ្មែរ និងបំរើសេចក្ដីត្រូវការរបស់ពុទ្ធបរិស័ទ ពុទ្ធសានិកជន ប្រជាពលរដ្ឋខ្មែរ ឲ្យកាន់តែមានជំនឿ និងយល់ច្បាស់​ពីគោលមាគ៌ាព្រះពុទ្ធសាសនាកាន់តែប្រសើរឡើង សក្ដិសមជាអ្នកកាន់ព្រះពុទ្ធសាសនា និងជាប្រទេសអ្នកកាន់​ព្រះពុទ្ធសាសនា ដើម្បីសន្តិភាព ហើយសាងនូវភាពស្ងប់សុខសន្តិភាពរីកចំរើនសម្បូរសប្បាយសុខដុមរម្យនាដល់​សង្គមជាតិខ្មែរបានយ៉ាងពិតប្រាកដ​ដូចសម័យកាលមហានគរដ៏រុងរឿង។