សីលវតី  ភោគ  សុមាលី

ចំណងដៃថ្ងៃបែក

១.  ថ្ងៃនេះបែកហើយ យើងបែកគ្នា

យើងត្រូវឃ្លាតឃ្លាពីទីវត្ត

     ពោធិមច្ឆារាម ដ៏កំសត់

យើងត្រូវឃ្លាតព្រាត់ទាំងអាល័យ

២.  ដប់ថ្ងៃដប់យប់ដែលរួមរស់

ប្អូនស្រីប្អូនប្រុស គ្រូស្រម៉ៃ

     ថ្ងៃនេះបែកហើយ ទាំងអាល័យ

បើមាននិស្ស័យ គង់ជួបទៀត

៣. តាមពិតដួងចិត្តមិនចង់បែក

ថ្ងៃនេះថ្ងៃស្អែក មិនចង់ឃ្លាត

     ថ្ងៃនេះបែកហើយមិនជួបទៀត

តើយើងត្រូវឃ្លាតរហូត ប្ញ

៤.  មុននឹងយើងចាក សុំចងដៃ

ទាំងក្តីអាល័យពីលោកគ្រូ

    សូមឱ្យបានសុខ គ្រប់នរូ

ពាក្យបណ្តាំគ្រូ នាំបដិបត្តិ

៥. ចូរប្អូនបំពេញតាមនាទី

ខិតខំសំភី រាល់កិច្ចវត្ត

    ក្លាយជាកូនល្អឱ្យម៉ែពុក

ឱ្យគាត់បានសុខរាល់វេលា

៦. ពេលនេះសូមលា លាទាំងអស់

លាប្អូនស្រីប្រុស លាសាលា

    លាទាំងកុដិថ្ម ព្រះវិហារ

លាជួងកំព្រា ជាប់សសរ

៧. លាទាំងចុងភៅដែលខ្នះខ្នែង

ខ្វល់ខ្វាយចំបែងចិត្តស្មោះស

    បំពេញកិច្ចការបានយ៉ាងល្អ

ទោះហត់ត្រដ ជួយអស់ដៃ

៨. លាអ្នកបំរើរាល់កិច្ចការ

ដោយក្តីស្នេហាចិត្តមេត្រី

     ខ្នះខ្នែងការងារទាំងយប់ថ្ងៃ

ប្អូនប្រុសប្អូនស្រី គ្រូអរគុណ

៩.  លាទាំងកម្មការអាចារ្យវត្ត

ខំប្រឹងស្វែងរត់ទាំងស្រាលធ្ងន់

      ជួយរាល់កិច្ចការមិនធុញទ្រាន់

ស្វះស្វែងរុះរាន់ ឥតមានស្បើយ

១០.ស្អែកនេះទីវត្តដ៏កំសត់

យើងត្រូវឃ្លាតព្រាត់ពីអ្នកហើយ

      ខ្ញុំឃ្លាតតែកាយ ចិត្តខ្ញុំអើយ

សោកស្តាយឥតល្ហើយពីអ្នកសោះ។

១១.ស្អែកនេះទីវត្តពិតកំសត់

ស្ងាត់ស្ងៀមប្រាកដ ព្រោះបាត់អស់

      ពណ៌លឿងពណ៌ស ខ្ញុំស្រណោះ

ខ្ញុំសែនអាលោះអ្នកអ្វីម៉្លេះ

១២.គ្មានទេសភាពដែលអ៊ូអរ

គ្មានទេកុះករដូចថ្ងៃនេះ

      បាត់ព្ញសូត្រធម៌យ៉ាងដូច្នេះ

ស្រណោះអ្វីម៉្លេះខ្ញុំអំពល់

១៣.ចង់ក្រោយបញ្ចប់ខ្ញុំជូពរ

ក្តីសុខបវរកើតមានដល់

      ប្អូន ៗ ប្រុសស្រីកុំអំពល់

កុំមានកង្វល់ខ្វល់ក្នុងចិត្ត

១៤.សូមមានសុខភាពល្អមាំមួន

ពុទ្ធពរទាំងបួននៅនេប្យនិត

      ឱ្យបានសុខស្រួលទាំងកាយចិត្ត

នេះគឺពរពិតជាចុងក្រោយ