អ្វីដែលនាងខ្ញុំចង់និយាយ

-នាងខ្ញុំព្រះករុណា

សូមក្រាបវន្ទា

ក្រោមល្អងធូលី

 ថ្វាយដល់ព្រះគ្រូ

ព្រះមានគុណថ្លៃ

ប្រសើរពេកក្រៃ

ពុំអាចគណនា។

-ផ្តល់នូវកុសល

ត្រួតត្រាដិតដល់

សិស្សគ្រប់អង្គា

មិនថាតូចធំ

ល្អ ឬ ពាលា

លោកជួយគូសវាស

ប្រែដើរផ្លូវត្រូវ

-ប្រាំមួយទិវា

បែកញើសគឃៀ

តែចិត្តនៅចង់

ទោះខុសទោះឆ្គង

មិនចង់សំណុំ

ឱ្យតែមាសមុំ

នាងបានសុខៈ

-ឥឡូវដល់បែក

កូនបានភ្លឺភ្នែក

គុណូបការៈ

  ដ៏សែនថ្លៃថ្លា

មហាប្រត្យក្ស

ដែលជាពុំនាក់

ឆ្លងផុតទុក្ខ

-កូនសូមបួងសួង

ទេព្តាទាំងពួង

គ្រងថែរក្សា

គ្រូគ្រប់ព្រះអង្គ

ឱ្យបានសុខា

គ្រប់ពេលគ្រប់គ្រា

គ្រប់ទីកន្លែង។

-ដើម្បីបន្ត

វិជ្ជាដ៏ល្អ

ចែកដល់កូនខ្មែរ

 គ្រប់ៗ ជំនាន់

បានក្រាស់បានក្រែល

ពេលនោះជាតិខ្មែរ

នឹងបានរុងរឿង

-ជាទីបញ្ចប់

សូមឱ្យប្រសប់

បានសុខរៀង ៗ

គ្រោះថ្នាក់ទាំងឡាយ

សូមកាយវាសវាង

កុំបីឈ្លានពាន

រាង្គកាយគ្រូថ្លៃ

យុវសិស្ស សុខ  សុភាព វិ.កោះកុង